Actualidade Rocket League non necesitará subscricións online no seu salto ao F2P

Rocket League non necesitará subscricións online no seu salto ao F2P

Cinco anos despois do seu lanzamento, Rocket League aínda ten moita roda que queimar. O título de Psyonix anunciou recentemente que se adaptaría ao formato free to play, polo que todo o mundo poderá gozar da explosiva combinación entre vehículos e fútbol.

Agora, grazas a unha publicación no blogue do estudio, puidemos coñecer unha das novidades máis significativas respecto a este cambio. Non será preciso ter unha subscrición a Nintendo Switch Online ou PlayStation Plus para poder gozar do xogo. Desta forma, Rocket League adáptase á liña doutras obras gratuítas en PS4 que eliminan ese requisito.

Así, tan só restaría agardar a confirmación do cambio de formato. Psyonix asegurou que en setembro chegará un parche menor e pouco despois recibiremos a nova versión.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.