Actualidade Rocket League quitará os DLC de pago con contidos ao azar

Rocket League quitará os DLC de pago con contidos ao azar

A adquisición de Rocket League por parte de Epic Games xa se deixa notar nos movementos económicos do título. Psyonix anunciou que abandonará o modelo de negocio baseado en caixas de botín con contidos aleatorios, seguindo unha filosofía similar á de Fortnite, onde o usuario pode comprobar, exactamente, os artigos que compran, sen ningún tipo de dúbida.

«Aquí en Psyonix, e en Epic Games en xeral, dedicámonos a crear a mellor experiencia posible para os nosos xogadores ao redor do mundo», explica o equipo da compañía. «Co fin de alcanzar esa meta, máis adiante este ano imos quitar todos os cofres de pago e de contido azaroso de  Rocket League».

Até agora, existían varias formas de obter artigos dentro do xogo que mestura fútbol e automóbiles. O título obsequiaba con algúns obxectos polo mero feito de xogar, outros chegaban a medida que avanzabas no pase de tempada, e outra forma era como recompensas de cofres temáticos que se podían abrir con chaves pagas con diñeiro real. O contido destes baúis era amplo, pero só obtiñas un obxecto dos que ofrecían e resultaba imposible elixir algo específico. O azar mandaba.

Agora ben, certos artigos como modelos de vehículos ou obxectos dixitais de equipos profesionais de Rocket League podendo ser comprados de xeito directo.

É ben sabido na comunidade de xogadores que as caixas de botín levan moito tempo no punto de mira das administracións e asociacións de consumo. Algúns países xa as consideran unha forma de aposta clara, por iso foron prohibidas ou reguladas dalgún xeito.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *