Rockstar regala un xogo extra ao mercar GTA Trilogy: The Definitive Edition para PC

Rockstar quere compensar a todos os usuarios de PC que compraran Grand Theft Auto Trilogy: The Definitive Edition, e malia prometeren a realización de melloras técnicas nos tres títulos, tamén desexan ter un detalle a maiores.

A compañía regalará un dos seguintes títulos a todos os usuarios que teñan a recompilación en PC, ou que a merquen antes do 5 de xaneiro de 2022. Iso si, só é viable para as compras efectuadas a través do Rockstar Games Launches. As obras ofrecidas son as seguintes:

• Grand Theft Auto V: Premium Edition
• Grand Theft Auto IV: Complete Edition
• Max Payne 3
• L.A. Noire
• Bully: Scholarship Edition

Ademais, se ningún deses xogos é tentador para ti —ou xa tes os que che interesan—, existe a opción de pedir un cartón Great White Shark de Grand Theft Auto Online ou cincuenta e cinco varras de ouro para Red Dead Online.

A promoción pode ser liberada neste enlace.