Rocksteady revela a Suicide Squad como o seu vindeiro xogo

Máis de cinco anos despois do lanzamento de Batman: Arkham Knight, por fin puidemos saber en que ocupou todo este tempo Rocksteady Studios. A desenvolvedora compartiu unha imaxe promocional do seu vindeiro título, que nesta ocasión estará baseado no famoso grupo de superviláns de DC.

Un Superman -ou Bizarro- cunha diana na súa cabeza que apunta ao nome do xogo é a única mostra do que nos espera. Suicide Squad era un dos tantos rumores que sobrevoaban ao estudio, que empraza á comunidade ao vindeiro 22 de agosto durante o evento da DC Fandome para coñecer máis sobre o título grazas a un pequeno teaser.

Target locked – #DCFanDome – August 22. #suicidesquadgame pic.twitter.com/HrXZNKwo0f

— Rocksteady Studios (@RocksteadyGames) August 7, 2020