Actualidade Sada convertirase na capital galega dos 8 bits

Sada convertirase na capital galega dos 8 bits

Sada e a súa antiga Cámara Agraria veranse convertidas no epicentro da Run ZX 2019. Unha nova edición da reunión de usuarios Run ZX, un encontro adicado á comunidade e afeccionados do computador Sinclair Spectrum, un dos primeiros microordenadores de 8 bits que fixeron aparición nos nosos fogares alá polos anos oitenta. Clive Sinclair foi o responsable daquela revolución.

A cita está prevista para o sábado 16 de marzo, de 10 a 14 horas e de 16 a 22 horas. En caso de perda, basta unha pequena procura en Google para situar a antiga Cámara Agraria (Camiño Riobao, 36). Ao longo de todo o día iranse realizando diferentes e variadas actividades, tales como:

  • Sesións de xogo con computadores clásicos de Sinclair
  • Exposicións de hardware e software de Retro Computadores Orty
  • Exposición ‘Spectrums do Mundo do Spectrum‘
  • Exposición en homenaxe a Zigurat Software – Made in Spain
  • Preservación de software, cacharreo e reparacións
  • Bótalle un pulso ao Sinclair QL: demostra o que sabes!
  • Demos de xogos:  Computer Crap Games 2018,  ZXDev 2017/2018

Cartaz desta edición.

Doutra banda, a organización tamén levará a cabo relatorios, talleres e torneos:

  • 10h. Comezo do encontro
  • 11h. Ciclo de minicharlas
    • Redeseñando o Black Watch de Sinclair
    • Presentación do prototipo uZX1, grazas a Antonio Villena
    • Homebrew: Edicións físicas ou dixitais?
    • Bad conversions! Competición de conveersións Speccy vs MSX!
    • Ensamblando código para Sinclair Spectrum
  • 14h. Hora de xantar. Parada técnica
  • 16h. Obradoiro de iniciación á soldadura (máis información aquí, xa que se precisan algúns materiais)
  • 20h. Torneo Run ZX 2019. Competición de videoxogos!
  • 22h. Finalización da xornada, despedida e peche

Para participar na xornada é necesaria unha inscrición previa. É unha cita de carácter cultural, gratuíta e aberta até completar aforamento. Podes confirmar a túa asistencia nesta mesma ligazón.

O evento conta coa colaboración do Concello de Sada, que cede o espazo á xunta organizadora do evento, formada por membros de RetroGalaicos, RetroVigo, RetroCoruña, RetroOrdenadores Orty, BitVision, a Asociación de Usuarios de Informática Clásica (AUIC), o portal El Mundo del Spectrum e MiComputer.

 

Carlos Pereiro

Creador de Morcego. Escribo cousas, falo de cousas e encántame escoitar cousas.