Sephiroth convértese no novo loitador de Super Smash Bros. Ultimate

Nintendo avisou que usaría a gala dos Game Awards para amosar o seu novo personaxe de Super Smash Bros. Ultimate. A sorpresa foi maiúscula e a súa presentación brutal. O vilán máis famoso da saga Final Fantasy, Sephiroth, apareceu como ese anxo negro cunha soa á, disposto a recibir os aplausos de todos o público da cita.

O título da consola híbrida de Nintendo recibirá este novo loitador ao longo do mes de decembro. No adianto, Sephiroth loita con Cloud e a outros personaxes do xogo, facendo gala duns movementos veloces e letais. Que llo digan a Mario…