Shadow Man volve en forma de remaster da man de Nightdive Studios
O regreso dun clásico. Shadow Man, o título de acción e aventura, será remasterizado e lanzado nalgún momento do próximo ano para PC, PS4, Xbox One e Nintendo Switch. Da man de Nightdive Studios, esta revisión contará con resolución 4K, melloras nas sombras e a iluminación, así como restauración do contido recortado do xogo orixinal. O motor que se utilizará sera o KEX, o cal xa foi utilizado noutras remodelacións como System Shock, Turok ou Forsaken.
«O noso obxectivo é dar á xeración actual de xogadores todas as características que agardan dun título moderno, á vez que conservamos as calidades do orixinal» dixo Stephen Kick, CEO do estudio encargado do remaster. Lanzado orixinalmente en 1999, a obra de Acclaim permitía controlar a Michael LeRoi, un heroe sobrenatural que durante a época de Jack o Destripador enfróntase a todo tipo de demos.