Shenmue III recibe o seu tercer contido descargábel, Big Merry Cruise
Malia o recibimento morno por parte do público e a crítica, Shenmue III continúa ofrecendo novo contido aos xogadores. Nesta ocasión aterra o terceiro DLC do xogo, Big Merry Cruise. Estará dispoñíbel a partir do 17 de marzo en PC e PS4 por tan só 3,99 euros. O porto de Niaowu recibirá a chegada dun cruceiro no que os retos e a diversión farán acto de presenza.
Novos conxuntos para Ryo Hazuki e un casino a bordo son os principais atractivos deste DLC. É necesario ter unha partida que permita acceder até Niaowu para acceder a este contido, namentres os seus responsábeis, Deep Silver e YS Net Inc., continúan traballando nos contidos após o lanzamento de Shenmue III.
