Shenmue recibirá unha adaptación anime da man de Crunchyroll
Unha vez máis, unha franquía do mundo dos videoxogos recibirá unha adaptación ao formato televisivo. A lendaria saga de Shenmue terá a súa propia serie de anime, desenvolta por Virtual Crunchyroll Expo.
Trece episodios compoñerán esta serie baseada as obras de SEGA, aínda que aínda non sabemos se adaptará a historia orixinal dos videoxogos ou optará por unha vía distinta. Telecom Animation Film –Tower of God, Lupin the Third: Part 5– será a encargada da animación, namentres a dirección corre a cargo de Chikara Sakurai –One Punch Man-.
Yu Suzuki, pai de Shenmue, será o produtor executivo dunha serie da que se descoñece a súa data de lanzamento a día de hoxe. Que investigará Ryo Hazuki?
#BREAKING News from #VCRX:
Shenmue Anime Announced as Crunchyroll and Adult Swim Production🔥 More: https://t.co/gjSZBLu0qF pic.twitter.com/erlB8HopMd
— Crunchyroll @ #VCRX 🎉 (@Crunchyroll) September 5, 2020