Actualidade Sony presenta o logotipo de PlayStation 5

Sony presenta o logotipo de PlayStation 5

O CES 2020 parecía ser un escenario más que bo para que Sony amosase ao mundo as primeiras imaxes de PlayStation 5, pero o público presente tivo que conformarse con ver, tan só, o novo logotipo da máquina. Este, por suposto, mantén a tónica de deseño que se viu nas consolas anteriores.

Aspecto do logotipo de PlayStation 5.

Jim Ryan, presidente de Sony Interactive, lembrou tamén á audiencia cinco das características principais do novo sistema coas que pretende innovar no seu mercado: audio tridimensional, gatillos adaptábeis e retroalimentación háptica no control, unidade de estado sólido ultra rápida, tecnoloxía ray tracing e Blu-Ray Ultra HD. Nada que non soubésemos.

Ora ben, a marca xaponesa prometeu novidades nos vindeiros meses, polo que máis pronto que tarde serán revelados novos detalles sobre a futura máquina. Doutra banda, o presidente de Sony Interactive tamén mostrou algúns datos da colosal comunidade de seguidores que ten PlayStation. Telos na seguinte imaxe.

Carlos Pereiro

Creador de Morcego. Escribo cousas, falo de cousas e encántame escoitar cousas.

Comentarios non permitidos
    • Tito
    • En: 07 de Xaneiro de 2020

    La innovasió xD