Splash Damage traballa nun título en exclusiva para Stadia
O futuro do videoxogo pasa polo streaming, ou polo menos iso é polo que aposta Google Stadia. O servizo da compañía norteamericana suma un novo estudio co que aumentar o seu catálogo no futuro. Splash Damage, a desenvolvedora británica, xa está a traballar nun título en exclusiva para Stadia. Especializados en FPS e en modos multixogador, o estudio participou na creación de sagas como Wolfenstein, Quake, Doom, Gears of War ou Halo e mesmo xeraron os seus propios proxectos como Dirty Bomb e Brink.
«Fomos uns grandes seguidores de Stadia desde o seu anuncio e sorprendéronnos a tecnoloxía e paixón polos xogos que teñen», eloxiaron os seus responsábeis. Malia que se descoñecen detalles do xogo, agárdase que teña compoñentes de apartado multixogador. O título máis recente de Splash Damage é Gears Tactics, un proxecto ambientado na saga de The Coalition, enfocado a partidas tácticas cuxa data de lanzamento está fixada para o vindeiro 28 de abril.
We’re so excited to finally announce that we’re working with @GoogleStadia on an exclusive title!
Read more: https://t.co/DHoEdowsU6#Stadia | #GoogleStadia | #GoogleForGames pic.twitter.com/xXuypjYjGB
— Splash Damage (@splashdamage) March 23, 2020