Square Enix ofrece de balde dous xogos da saga Tomb Raider

Continúa a choiva de xogos de balde para adquirir durante a corentena. Agora é a quenda de Square Enix, que ofrece de forma totalmente gratuíta dous títulos da saga Tomb Raider. En concreto podemos descargar Lara Croft and the Temple of Osiris, a obra multixogador cooperativa e que é secuela de Guardian of Light. Nela pódense unir até catro xogadores que terán que percorrer xuntos templos do antigo Exipto, resolvendo todo tipo de quebracabezas e superando trampas mortais e inimigos.

Doutra banda, atópase Tomb Raider, o reboot da franquía de 2013 e que estableceu o comezo dunha nova triloxía para a personaxe. Nesta ocasión, viviremos unha nova orixe de Lara, pasando de ser unha nova estudante a se converter na famosa cazatesoros que coñecemos hoxe en día. Acción por milleiros, supervivencia e misterios son os ingredientes que conforman esta historia creada por Crystal Dinamics.

Para adquirires ambos os dous xogos debes acceder á tenda de Square Enix, rexistrar un usuario e mercar os dous títulos. Unha vez realizados estes pasos, tan só resta desbloquear a clave para Steam. A data límite para a súa adquisición está fixada para o 24 de marzo ás 19:59.

Today is the last day of our free game giveaway so be sure to get your copy or let your friends know before time runs out! https://t.co/3eG8v7j4pZ https://t.co/ryBNbYhsvF

— Square Enix (@SquareEnix) March 24, 2020