Suicide Squad: Kill the Justice League presenta un novo tráiler

O DC FanDome, evento anual para amosar os diversos proxectos sobre o universo de Batman e compañía que están a ser creados e preparados, serviu de escenario para presentar novas imaxes do futuro título de Rocksteady, creadores da saga Batman: Arkham. O seu nome, xa coñecido, é Suicide Squad: Kill the Justice League.

Trátase dun vídeo de carácter peliculeiro, sen gameplay real nin pistas sobre como funcionarán exactamente os combates —foi anunciado como un título de acción, aventura e shooter— a varias bandas. Sexa como for, as imaxes si están feitas co motor do xogo e achegan algunha información sobre o deseño de personaxes e a enorme cantidade de invitados e caras coñecidas que veremos.

Polo momento, tampouco hai noticias sobre a súa data de saída, que segue indicando o ano 2022. Oxalá siga así.