Super Mario Party incorpora gratis o multixogador en liña en todos os seus modos

Malia que normalmente é un título que relacionamos coa idea de xogar con amigos e familiares nunha mesma habitación, Super Mario Party quere que tamén o fagamos de xeito virtual e, por fin, implementou un modo multixogador en liña. Así é, se tes unha subscrición a Nintendo Switch Online —e o xogo, claro— poderás retar a quen queiras.

Trátase dunha actualización de balde, sen custo algún, pola que non terás que abonar ningunha cantidade máis aló do famoso servizo. Poderás xogar partidas en liña en calquera dos taboleiros principais, amais dos modos para dobres, mais tamén en calquera minixogo que imaxines. É certo que perderemos esas caras e esas liortas cara a cara, pero… benvido sexa.