Tell Me Why habilita a súa descarga de balde durante todo o mes de xuño

Tes unha Xbox ou un PC? Pois podes descargar pola cara o título de Dontnod Tell Me Why, ao longo de todo o mes de xuño.

O anuncio chega a modo de celebración do mes do orgullo LGBT, e pon os tres capítulos do xogo a disposición da xente, a través da Microsoft Store. Non é a primeira vez que se regala, mais é unha nova oportunidade para poder gozar desta aventura gráfica.

Tell Me Why chegou en agosto do 2020 e conta con versións en Xbox e PC. O relato conta a historia dun par de xemelgos, Tyler e Alyson, coa capacidade de comunicarse entre si a través da telepatía, reunidos logo de de dez anos no seu pobo natal na Alaska rural para investigar a morte da súa nai.