Tetris Effect chegará a vindeira semana para PC

Tetris Effect chegará a vindeira semana para PC

A última e exitosa versión de Tetris para PlayStation 4 tamén verá a luz en computador. Farao en apenas sete días. Enhance Official vén de confirmar o lanzamento de Tetris Effect para a semana que vén.

Esta mutación do clásico ruso aterrou na consola de Sony e PSVR o pasado ano e derivou nunha incríbel experiencia para os usuarios. En PC contará con soporte para resolucións 4K e monitores ultrawide. Tamén aterrará coa posibilidade de desbloquear completamente o framerate se desactivamos a sincronización vertical.

A plataforma dixital elixida para o seu lanzamento é a Epic Store. Terá soporte de RV para Oculus Rift e HTC Vive, tamén. A data exacta da súa chegada sitúase o 23 de xullo e durante as dúas primeiras semanas desde a súa saída contará cun 20 % de desconto, ademais dunha parte da súa BSO como agasallo e uns protectores de pantalla.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *