The Legend of Zelda: Tears of the Kingdom, nome definitivo para a secuela de Breath of the Wild

Nintendo puxo por fin data e nome definitivo á sequela de Breath of the Wild. Así é, The Legend of Zelda: Tears of The Kingdom sairá o 12 de maio do 2023 para a híbrida de Nintendo.

O anuncio chega cun novo adianto, punto máis importante do Nintendo Direct emitido este martes, 13 de setembro. Temos a Link, temos o seu salto ao baleiro e temos novas mostras da súa xogabilidade. Bo xeito de achegarse ao outono.

Como sempre, ou máis neste caso, é máis doado velo que explicalo, así que tes o vídeo a continuación. Agora toca agardar uns meseciños, que non moitos.