The Outer Worlds actualízase en Switch para mellorar os seus gráficos
É certo que Nintendo Switch foi recibindo un bo número de xogos que parecían imposibles de adaptar á súa potencia e formato —DOOM, The Witcher 3: Wild hunt…— con enorme éxito, malia que tamén aparceu en certas ocasións a outra cara da moeda: ports ou versións que non estiveron á altura. É o caso de The Outer Worlds, que viu sacrificado o seu apartado gráfico na súa chegada á consola híbrida, provocando diversos comentarios negativos.
Os responsables desta versión xa avisaron que tentarían solucionar o asunto cun parche, actualización que nuns días verá a luz: o 21 de outubro. «O consello de administración está entusiasmado de poder anunciar que os empregados poden esperar un parche para o seu dispositivo o vindeiro 21 de outubro», reza o chío oficial. «Estamos a recrutar a novos empregados para unirse a nós na colonia Halcyon, así que prepárate para aproveitar unha rebaixa en Switch o 22 de outubro».
More details on what is included in the Nintendo Switch patch will be released soon, but for now, you can enjoy this image showing off some of the visual changes.
— The Outer Worlds (@OuterWorlds) October 16, 2020