The Outer Worlds recibirá un DLC que ampliará a súa historia no 2020
Obsidian confirmou que The Outer Worlds recibirá un DLC que ampliará a historia do RPG. Cando? Ao longo do 2020.
O anuncio realizouse a través dunha publicación nos foros oficiais do xogo, onde tamén agradecen os nomeamentos recibidos para The Game Awards. Para a súa desgraza, o título non logrou alcanzar ningún dos galardóns, a pesar de ser unha das sorpresas do ano e unha das obras con mellores críticas da recta final do ano.
«A todos os que votastes por nós nos Game Awards, sodes fantásticos e estamos moi agradecidos polo voso apoio. Foi incrible ver a recepción que tivo The Outer Worlds, e unicamente estar nomeados significa moito», explica a nota. «Con todo a viaxe aínda non terminou, e estamos emocionados de anunciar que expandiremos a historia con DLC o ano que vén. Daremos máis detalles máis adiante». Sen data concreta, tampouco se deron máis detalles sobre de que irá este engadido.
