The Waylanders ficha en Hollywood as voces da súa historia

The Waylanders continúa o seu desenvolvemento ofrecendo esta semana novas sobre un dos aspectos máis interesantes dentro da súa proposta: as voces que contarán a historia que vivamos. Previsto o seu lanzamento anticipado para este verán, Gato Studio ten entre mans o proxecto da súa clase máis ambicioso feito nunca en terras galegas, e os actores contratados para dar vida aos personaxes que habitarán a rexión de Kaltia así o farán posíbel.

Os responsábeis do RPG celta conseguiron xuntar un equipo de actores que conta con presenza en videoxogos, películas e series máis que coñecidas para o gran público, interpretando agora os heroes, viláns e criaturas do xogo coruñés. A continuación aparecen algúns dos actores que participarán en The Waylanders, os seus papeis e as súas respectivas traxectorias:

• Ralph Ineson é el Rey Ith de Kaltia (Xogo de Tronos, Chernobyl, a saga Harry Potter, Gardiáns da Galaxia)
• Amber Rose Revah é Nazhedja (The Punisher)
• Ash Sroka é Tiana (Voz de Ash Sroka en Mass Effect)
• Simon Templeman é Amergin (Voz habitual en producións triplo A, como Dragon Age)
• Colin Salmon é Berath (Resident Evil, Alien vs. Predator, Arrow)
• Sara Kestelman é Brigg (Roma, Cazatesouros, Star Wars: Cabaleiros da Antiga República II)

No vídeo que tes a continuación podes poñerlles cara e, como non, voz.