Actualidade Todos os xogos de Star Wars serán publicados baixo un novo selo no futuro, Lucasfilm Games

Todos os xogos de Star Wars serán publicados baixo un novo selo no futuro, Lucasfilm Games

Electronic Arts posúe os dereitos exclusivos de publicación sobre xogos de Star Wars, pero todo ten un final. A compañía finalizará o seu contrato no ano 2023 e semella que Disney xa ten plans máis que claros sobre como utilizar a licenza. LucasFilm Games é o novo nome que aglutinará os lanzamentos deste tipo.

A páxina oficial da marca concretou que «Lucasfilm Games é agora a identidade oficial para todos os títulos de xogos de Lucasfilm, un nome que abarca o rico catálogo de videoxogos da compañía e a súa mirada cara ao futuro». Isto non significa que EA deixe de publicar os títulos, é máis, podería renovar contrato algún día e seguir facéndoo no futuro, pero si que se confirmou que calquera xogo de Star Wars pasará a estar baixo este paraugas corporativo.

O próximo título da franquía será Lego Star Wars: The Skywalker Saga, previsto para este 2021.

Carlos Pereiro

Creador de Morcego. Escribo cousas, falo de cousas e encántame escoitar cousas.

Comentarios non permitidos
  1. […] os encargados de crear e dar forma a esta nova aventura do doutor Jones. Farano baixo o paraugas, aberto hai escasas horas, de Lucasfilm […]

  2. […] Games chegou como un tsunami á industria. Se onte era anunciada a súa creación, á vez que un novo título de Indiana Jones […]