Tomamos o control :: Conta atrás para o seminario ‘Mulleres e videoxogos’

Convertida en cita de referencia, o seminario ‘Mulleres e videoxogos, a ambos lados da pantalla‘ regresa un ano máis, o terceiro, cun completo programa no que perderse e formarse. Aquí mesmo tes a páxina oficial.

Trátase dun evento que conta coa colaboración do Instituto das Mulleres, a Universidade da Coruña, Women in Games, Google, o Centro de estudos de xénero e feminismo, a Asociación Española de Videoxogos e o Campus Innova; con apoio da Fundación Museo do Videoxogo de Galicia, a asociación videoxogo.gal, a Universidade de Vigo, a Universidade de Aveiro, Molab e a asociación de mulleres e investigadoras de Galicia (Amit.gal).

Ao longo de case un mes sucederanse conferencias e charlas ao redor do videoxogo desde unha mirada feminista e transversal, cun cadro de invitadas de luxo con nomes como Estefanía Salcedo (Tequila Works), Alba Calvo, Remedios Zafra ou Eleski, entre moitas outras.

No seu conxunto, o seminario tratará temas diversos que van desde a localización á posición da muller dentro da industria do videoxogo, pasando por obradoiros de deseño ou relatorios sobre streaming feito na Galiza.

A continuación tes o programa completo, dentro do cal tamén se contempla unha nova exposición deseñada pola Fundación Museo do Videoxogo de Galicia para unha contorna virtual, que incluirá unha mostra dalgunhas das mulleres máis relevantes da industria, en Galicia, En España e no mundo.

• Venres, 1 de outubro