Unha semana despois, GRIS xa é rendible
O estudio catalán Nomada Studios anunciou eesta semana que GRIS, un dos xogos independentes do momento, vén de cubrir os seus gastos de creación e produción, polo que xerará beneficios a todo o equipo a partir de agora.
Bastou unha semana para que a aventura protagonizada por Gris fose rendible. Algo meritorio. Non sempre se consegue, e menos nunha cantidade de tempo tan ínfima para un produto audiovisual e cultural.
O certo é que GRIS, dispoñible tanto en PC como en Nintendo Switch, conseguiu unificar críticas, recibindo afagos ao longo de todo o planeta. A día de hoxe, a súa nota en Metacritic é de 83, por parte da prensa especializada; e de 8.7, por parte dos usuarios. En ámbolos dous casos, moi alta.
GRIS has been out for one week and our team is overwhelmed by the incredible reception and thrilled that the game is already profitable! Thank you all so much for your support! ? pic.twitter.com/okJYyVK5Sw
— Nomada Studio – G R I S (@nomadastudiobcn) December 20, 2018
“GRIS leva no mercado unha semana e o noso equipo está atafegado pola incrible recepción, e emocionado de que o xogo xa sexa rendible. Grazas polo voso apoio!”, sinala o chío colgado na conta oficial do estudio catalán.
Un triunfo do diferente e o artístico a través dunha viaxe agradable e bela. En Morcego xa gozamos enormemente dela.
