Valve atrasa o seu Steam Game Festival unha semana
Teremos que esperar para ver e xogar no Steam Game Festival. Oficialmente, a compañía estadounidense non quixo revelar o porqué desta decisión, mais é evidente que o asasinato de George Floyd e o movemento Black Lives Matter son motivos máis que de peso para o adiamento.
Sexa como for, a ausencia de comunicación propiciou certas críticas por parte dos estudios que participarán no Steam Game Festival, tal e como recolle GamesIndustry.biz. Segundo o expostos polo medio internacional, a intención inicial de Valve era continuar co evento, e a súa suspensión foi comunicada ás desenvolvedoras por vías públicas, como as redes sociais.
The Steam Game Festival: Summer Edition will now take place one week later. June 16 – 22. #SummerGameFest pic.twitter.com/1t5lY2UdaK
— Geoff Keighley (@geoffkeighley) June 5, 2020
A cita, agora, celebrarase entre o 16 e o 22 de xuño. Nela veremos presentacións e teremos acceso a diversas demos.
