Vampire: The Masquerade – CNY amosa o seu primeiro gameplay

Draw Distance fixo público o primeiro gameplay de Vampire: The Masquerade – Coteries of New York.

A obra do estudio independente defínese como unha aventura narrativa que permitirá escoller un personaxe como protagonista entre distintos arquetipos. A historia comezará cunha conversión a vampiro de maneira ilexítima, tal e como recollen as leis da Camarilla. O obxectivo do xogo? Gañar o favor deste novo mundo no medio dun conflito cos Anarquistas.

Vampire: The Masquerade – Coteries of New York sairá o 4 de decembro en PC e durante o primeiro trimestre de 2020 en Switch.