Vlambeer, pais de Nuclear Throne, pecha as súas portas dez anos logo da súa fundación
O estudio holandés Vlambeer vén de anunciar a súa separación após dez anos de colaboración. Jan Willem Nijman e Rami Ismail fixeron pública esta decisión coincidindo co décimo aniversario da fundación de Vlambeer.
«Tivemos unha carreira preciosa, creamos xogos incribles e traballamos con xente alucinante, pero é hora de probas cousas novas», declararon en Polygon. Nijman atópase traballando en Disc Room após formar parte do equipo que creou Minit, mentres que Rami participou en numerosos eventos e axudando a outros desenvolvedores nos seus proxectos.
Ridiculous Fishing, Luftrausers, Super Crate Box ou a súa obra máis famosa Nuclear Throne forman parte do seu repertorio artístico ao longo dos anos. Ultrabugs é o seu derradeiro xogo en desenvolvemento e pronto coñeceremos máis detalles acerca del.
Alén, todos os títulos da compañía atópanse de oferta en Steam con motivo dos dez anos de vida de Vlambeer.