Wild, o título exclusivo de PS4, déixase ver a través de novas imaxes

Ao longo da historia da industria dos videoxogos, a lista de títulos que foron esquecidos ou que xamais chegaron a bo porto é extensa. Un exemplo claro disto é Wild, o xogo exclusivo de PS4 que foi presentado durante a Gamescom 2014 e do que non volvemos ter noticias até o de agora. A través da súa páxina oficial amosáronse varias imaxes de arte conceptual, que arroxan un raio de esperanza sobre o seu futuro.

A obra de Wild Sheep Studio pretende ser un xogo que sume supervivencia e acción nun mundo salvaxe onde tanto a flora como a fauna serán as maiores ameazas para a nosa supervivencia. Dirixido por Michel Ancel, creador da saga Rayman e as súas continuacións, Wild previsiblemente verá trasladado o seu desenvolvemento cara á próxima xeración, abandonando os plans iniciais para o seu lanzamento en PS4.

Preme na imaxe para ampliar.