O multixogador de Halo Infinite será free to play coa chegada de Xbox Series X
Microsoft vén de confirmar que o modo multixogador de Halo Infinite será totalmente de balde, amais de contar con tempos de carga moi reducidos e que funcionará a 120 fps na nova consola da compañía. Así o sinalanaron a través dun chío, no que non se especificaron máis detalles e aseguran que no futuro poderemos coñecer máis información.
Aínda que se descoñece cal será o modelo polo que apostará a aventura do Xefe Mestre, os rumores comezan a apuntar ao típico e habitual pase de batalla, polo que é probábel que algún día mesmo atopemos un novo battle royale, aínda que o estudio responsábel do xogo xa dixo que non entraba dentro dos seus plans. Halo Infinite ten prevista a súa chegada este Nadal xunto co lanzamento da Xbox Series X.
Halo is for everyone. We can confirm #HaloInfinite multiplayer will be free-to-play and will support 120FPS on Xbox Series X. More details will be shared later! pic.twitter.com/9bIrppFiON
— Halo (@Halo) July 31, 2020