Anunciado Assassin’s Creed: The Ezio Collection para Nintendo Switch

Ubisoft confirmou o lanzamento de Assassins’s Creed: The Ezio Collection para Nintendo Switch o vindeiro 17 de febreiro. Trátase dun recompilatorio, dispoñíbel desde hai algún tempo noutras plataformas, que reúne as versións remasterizadas de Assassin’s Creed 2, Assassin’s Creed: A Irmandade e Assassin’s Creed: Revelations, amais de todos os seus DLC para un xogador.

Tamén aparecen incluí as dúas curtametraxes Lineage e Embers, que amplían a historia orixinal de Ezio, mítico personaxe dos primeiros títulos da saga e, dalgún xeito, un dos protagonistas máis famosos da sétima xeración de consolas.

Na versión física, que tamén poderemos mercar, só estará a tarxeta de Assassin’s Creed 2; o resto de xogos deberán ser descargados. Todos os títulos poderían chegar a ocupar uns 35 GB da memoria que teñamos integrada.