Fall Guys convence os xogadores na súa estrea

Tremendo éxito o que conseguiu Fall Guys nas súas primeiras 24 horas de vida. Máis de 1,5 millóns de xogadores probaron a proposta de Mediatonic, que non é outra que ser n battle royale de 60 persoas.

Porén, as armas e a violencia non son as mecánicas principais nesta ocasión. Os obstáculos, plataformas e todo tipo de probas aloucadas determinan o gañador final. Tal foi a repercusión do título que nin o equipo de desenvolvemento agardaba semellante aluvión de usuarios nos seus servidores, derivando en problemas para se conectar.

Fall Guys recibirá proximamente o seu primeiro parche que engadirá novos niveis e traxes. O título atópase dispoñíbel en PC e PS4, neste último como un dos xogos de PlayStation Plus deste mes.