![Watch Dogs: Legion xa non recibirá máis actualizacións](https://revistamorcego.com/wp-content/uploads/2022/01/154090-games-review-hands-on-watch-dogs-legion-screens-image1-glutwqbyin-786x436.jpg)
Watch Dogs: Legion xa non recibirá máis actualizacións
Ubisoft non seguirá creando más contido para Watch Dogs: Legion. A compañía francesa comunicou, a través da súa páxina web oficial, que a última entrega da saga de hackers xa non recibirá máis novidades en forma de obxectos, melloras varias ou misións. A actualización 5.6 será a última para Watch Dogs: Legion.
Por suposto, todo aquel que queira poderá seguir obtendo as recompensas do modo en liña, amais de gozar da tempada 5, Stripes, que aínda está por chegar. Tras ela faranse bucles coas tempadas 3 a 5, permitindo obter as recompensas que non foran conseguidas no seu momento, como a chaqueta de Aiden Pearce ou a máscara de Jackson.
«Non poderiamos estar máis orgullosos do xogo que creamos, e agradecemos a todos os que vos unistes nesta viaxe a Londres durante o último ano. Agardamos ver máis aventuras vosas en Legion», reza a nota oficial.