Microsoft, Nintendo, Ubisoft e EA estarán na Gamescom 2020
A feira de videoxogos máis importante de Europa, a Gamescom, ten a súa celebración marcada en vermello no calendario: do 25 ao 29 de agosto en Colonia. Os seus responsábeis, o grupo Koelnmesse, fixeron pública a listaxe inicial de expositores que xa confirmaron a súa presenza dentro da mesma.
É unha lista máis que notable, contando cos principais estudios e compañías do mundo, como Capcom, EA, Bandai Namco, Nintendo, SEGA ou Ubisoft. Tamén estarán Nintendo e Microsoft. Sony perfílase, tal e como se converteu na tónica habitual, como a grande ausente. O pasado ano a firma xaponesa si estivo entre as participantes.
A Gamescom deste ano poderíase definir como un dos eventos clave dentro do circuíto de mostras e exposicións. Apenas tres meses despois, a nova xeración de consolas ten prevista a súa aparición, polo que o escenario de Colonia aparece como un dos lugares idóneos para ensinar a última man de cartas antes da aposta final.
A lista completa de participantes confirmados é a seguinte:
- Astragon Entertainment
- Bandai Namco Entertainment
- Bethesda Softworks
- Capcom Entertainment
- CD Projekt RED
- Electronic Arts
- ESL Gaming
- Kalypso Media
- Koch Media
- Mediamarkt
- Microsoft / Xbox
- My.com
- NCSoft
- Nintendo
- Sega
- THQ Nordic
- Twitch
- Ubisoft
- Wargaming
- Alternate
- AORUS (Gigabyte
- BenQ
- Caseking
- Corsair
- Kingston Technology
- Medion
- Omen
- Samsung
- Trust