![Mega Drive Mini, en setembro e con 40 xogos](https://revistamorcego.com/wp-content/uploads/2019/03/TYJKCRTYI-786x436.jpg)
Mega Drive Mini, en setembro e con 40 xogos
Sega non quixo atrasar máis o anuncio que confirmase, por fin, a data de lanzamento da súa Mega Drive Mini. A popular consola negra da compañía xaponesa revivirá nun formato que gozou dun éxito relativo nos últimos dous anos e que tanto Nintendo como Sony quixeron abrazar.
A “nova” máquina de Sega terá un lanzamento simultáneo en todo o globo. O seu prezo será de 79,99 euros con dous controladores. Cando? O 19 de setembro se se cumpre o plan previsto. Incluirá un cable HDMI e conectarase por fonte de alimentación á corrente da casa. Fácil e sinxelo. Usará tecnoloxía de AtGames e o deseño dos mandos será idéntico en tamaño e forma ao dos orixinais.
![](https://revistamorcego.com/wp-content/uploads/2019/03/sdeh-1024x567.png)
Imaxe oficial do anuncio de Mega Drive Mini.
A miniconsola incluirá 40 xogos e a selección para cada mercado será diferente. Estes son os xogos confirmados, de momento, para Europa:
- Sonic the Hedgehog
- Ecco the Dolphin
- Castlevania: Bloodlines
- Space Harrier 2
- Shining Force
- Dr. Robotnik’s Mean Bean Machine
- ToeJam & Earl
- Comix Zone
- Altered Beast
- Gunstar Heroes
É curioso (e un claro reflexo da realidade nas consolas grandes) o caso das consolas mini.
Nintendo ten unha idea orixinal, e a leva a cabo con éxito (véxase a Wii), as grandes tratan de emular a proxecto, sen demasiado éxito (véxase kinect) e despois, cando xa é demasiado tarde para ser orixinal ou novidoso, aparecen vellos coñecidos pra intentar sacar un pellizco daquela idea que, un par de anos antes, tivera sentido, e agora soamente poden recoller os euros dos auténticos fanboys.