Path to Mnemosyne, con selo español, xa ten data de saída

DevilishGames vén de anuncialo. Path to Mnemosyne verá a luz en Steam o próximo 26 de setembro, tanto para Windows como para Mac. Terá un prezo de 9,99 euros, e contará con un desconto do 10 % durante os primeiros días dende a súa saída.

O estudo español publicou recentemente un tráiler de lanzamento para celebrar a chegada do novo título ao mercado. Xa só resta contar os días para gozar da súa obra.

“Reláxate, vacía a túa mente, activa os teus sentidos e sumérxete na hipnótica aventura Path to Mnemosyne na procura das lembranzas perdidas”. É a mensaxe de benvida coa que DevilshGames recibe a aqueles que se interesen en Steam pola súa obra. Un xogo diferente no visual, cunha deriva cara unha aventura de estilo único grazas ao seu zoom infinito. O xogador camiñará a través dese pasaxe co obxectivo de explorar e poder recuperar as súas lembrazas. Como? Resolvendo decenas de imaxinativos rompecabezas.

Unha misteriosa historia cunha narrativa minimalista, aderezada tamén cun apartado gráfico terriblemennte imaxinativo á par que interesante. Ata onde chegará o camiño?