![Biomutant dá sinais de vida e amosa novo contido do seu mundo](https://revistamorcego.com/wp-content/uploads/2020/06/1905-07-Biomutant-786x436.jpg)
Biomutant dá sinais de vida e amosa novo contido do seu mundo
Após varios meses sen novas sobre o título, Experiment 101 e THQ Nordic revelaron novo contido de Biomutant. Foi o seu director, Stefan Ljungqvist, o encargado de confirmar durante o Summer of Gaming que o xogo xa se atopa percorrendo a súa recta final. Un proxecto que se antolla o máis ambicioso da historia do estudio, tal e como recalcou Ljungqvist.
«Nesta fase do desenvolvemento estamos a puír, eliminando erros e tomando as decisións finais para asegurar que o xogador poida gozar do mundo aberto», xa que Biomutant enmárcase nun mundo post-apocalíptico no que a contaminación rematou por afectar as criaturas do lugar.
A liberdade á hora de xogar será tal que poderemos percorrer calquera punto do mapa desde o primeiro momento, decidindo se eliminamos os xefes de cada zona ou utilizamos os coleccionábeis para salvar ao planeta.