Cyberpunk 2077 fará uso da retrocompatibilidade da nova consola de Microsoft

CD Projekt RED deixou as cousas claras desde o anuncio das características oficiais de Xbox Series X. Cyberpunk 2077 fará uso de Smart Delivery, unha ferramenta que permite a compra de xogos interxeracionais entre Xbox e Xbox Series X.

Que significa isto? Que todo aquel que compre unha copia do título do estudio polaco poderá tamén xogalo na futura xeración sen custo adicional; é máis, recibirá as melloras pertinentes cando a versión potenciada para a nova xeración faga a súa aparición. Todos os xogos de Xbox Game Studios farán uso deste sistema.

Cyberpunk 2077 chegará ás tendas o próximo 17 de setembro para PC, PS4 e Xbox One.

Gamers should never be forced to purchase the same game twice or pay for upgrades. Owners of #Cyberpunk2077 for Xbox One will receive the Xbox Series X upgrade for free when available. https://t.co/nfkfFLj85w

— Cyberpunk 2077 (@CyberpunkGame) February 24, 2020