Remedy anuncia revisións de Max Payne e Max Payne 2 para PC, PS5 e Series X|S

Remedy acaba de anunciar un acordo con Rockstar para desenvolver revisións dos dous primeiros xogos da franquía Max Payne. A empresa finlandesa será a encargada de lanzar os remakes de dous títulos que no seu día gozaron dun notable éxito por mor da súa estética noir e o uso do tempo bala.

A compañía encargada destes novos traballos xa confirmou que os xogos usarán o motor Northlight, empregado en obras como Control, Quantum Break ou o futuro Alan Wake 2, aínda en desenvolvemento.

Malia que o proxecto está aínda en fases iniciais, si está confirmado que ambos os dous serán lanzados asemade para PC, PlayStation 5 e Xbox Series X|S. Por suposto, non hai data.

We are pleased to announce that we will remake the iconic Max Payne and Max Payne 2: The Fall of Max Payne, in a new development agreement with Rockstar Games.

Read the full press release here: https://t.co/gx9tuH425j

— Remedy Entertainment (@remedygames) April 6, 2022