Detroit: Become Human fixa a súa estrea en PC para decembro

Detroit: Become Human marcou no calendario a súa aterraxe en PC. Farao, como xa se sabía, a través da Epic Games Store o vindeiro 12 de decembro. A información foi ofrecida en exclusiva por IGN a través dun novo adianto audiovisual.

Quantic Dream, estudio especializado en aventuras de corte narrativo e cinematográfico, lanzou a obra como exclusivo de PlayStation 4 en abril do ano 2018, avalado polo éxito de títulos como Heavy Rain ou Beyond: Dúas Almas, xa dispoñíbeis na tenda dos donos de Fortnite.