Actualidade O creador de Dead Space presenta novo proxecto: The Callisto Protocol

O creador de Dead Space presenta novo proxecto: The Callisto Protocol

A súa presenza estaba avisada e comentada, pero todo o mundo pensaba que Glen Schofield presentaría algo menos ambicioso do que parece The Calliston Protocol. Estabamos equivocados. O creador de Dead Space continuará traballando co terror clásico e aroma a ciencia ficción. O seu tráiler, xa público, loce terrorífico.

Segundo o comentado por Schofield, o título será en terceira persoa, coas mecánicas dos survival horror clásicos como base. E si, será para un xogador. Teremos de agardar para poder gozar desta nova obra? A resposta é si. The Callisto Protocol non chegará ás tendas até o ano 2022, momento no que será editado para PC, PlayStation 5 e Xbox.

Carlos Pereiro

Creador de Morcego. Escribo cousas, falo de cousas e encántame escoitar cousas.