Actualidade
PlayStation confirma novas cores do DualSense e tapas personalizadas para PlayStation 5
PlayStation fixo público de xeito oficial o plan de lanzar novas cores do controlador DualSense para PlayStation 5. Ademais, as novas cores que poderemos ter nos vindeiros mandos veranse complementadas con tapas personalizadas para a consola, un reclamo que levaba tempo sendo reclamando pola comunidade e que de forma inexplicable Sony non parecía querer explotar.
As novas cores chámanse Nova Pink, Starlight Blue e Galactic Purple, e as tapas estarán dispoñíbeis neses tres tons (rosa, azul e morado) amais de engadir dúas cores extra xa existentes en mando, granate e negro.
A galaxy-inspired palette comes to PS5 🌌
Introducing new PS5 console covers, available starting January 2022 in select regions. Full details: https://t.co/3rFWN4gJMu pic.twitter.com/VJrlbQnMAN
— PlayStation (@PlayStation) December 13, 2021
Segundo reza o post oficial, as tapas da consola poden ser substituídas sen demasiadas complicacións, quitando as que trae a consola de serie e colocando as novas no seu lugar. Haberá versións tanto para as máquinas con lector de discos como sen el.
As novas tapas e os novos mandos estarán dispoñibles a partir de xaneiro de 2022.
