SNK xa traballa nun novo Metal Slug e dúas consolas Neo Geo

SNK Corporation confirmou durante o seu último encontro con investidores que haberá un novo Metal Slug. O título atoparíase xa en desenvolvemento e, ademais, tamén se estaría a traballar en dúas novas máquinas: Neo Geo 2 e Neo Geo 3, consecuencia do éxito obtido coa Neo Geo Mini. Segundo parece, serán dúas consolas definidas como plataformas semiabertas.

Por desgraza, non se revelaron máis detalles sobre o Metal Slug que está por chegar. As plataformas nas que se poderá adquirir, así como outros detalles sobre o título, serán especificadas ao longo dos próximos meses. A última entrega desta franquía viu a luz en PC baixo o título de Metal Slug Defense, contando cunha xogabilidade afastada do xénero shoot’em up clásico.

Durante o encontro co grupo de investidores a compañía tamén confirmou que que SNK Heroines: Tag Team Frenzy superara as 300.000 copias vendidas para PS4, PC e Nintendo Switch.

On Apr 16, SNK Investor Relations 2019 has been celebrated.

– NeoGeo Console version 2, 3 is being planned, (Semi open platformed, but not related NeoGeoMini)

– SNK Heriones is sold 300,000 copies

– Metal Slug new title for console is being developed.https://t.co/LqGPYuHEhl

— Gatoray (@gatoray_kof) April 16, 2019