Ubisoft confirma o desenvolvemento dun ‘remake’ de Splinter Cell

Quizais sexa unha das noticias máis importantes do ano para Ubisoft, polo que sorprende que o seu anuncio non ocupara algún punto singular dentro dalgunha conferencia ou gala como os Game Awards. Splinter Cell volve, e faino en forma de remake.

Ubisoft nunciou en nun post no sitio oficial de Ubisoft que o novo título está a ser desenvolvido por Ubisoft Toronto, estudio que tamén informou que abriu diferentes procesos de busca de persoal para trablljar no proxecto.

«Ubisoft deu luz verde ao desenvolvemento dun remake de Splinter Cell que beberá de distintas fontes dentro da franquía. Dirixido por Ubisoft Toronto, o xogo orixinal será reconstruído desde cero utilizando o novo motor Snowdrop —o mesmo motor que se está utilizando para desenvolver Avatar: Frontiers of Pandora e o próximo xogo de Star Wars de Ubisoft— para obter aspectos visuais e xogables de nova xeración, iluminación e sombras dinámicas», reza o comunicado.