![Itch.io supera os cinco millóns de recadación e aumenta o número de xogos dispoñíbeis](https://revistamorcego.com/wp-content/uploads/2020/06/itchios-742-game-bundle-for-racial-justice-and-equality-has-raised-over-24-million-featured_feature-786x436.jpg)
Itch.io supera os cinco millóns de recadación e aumenta o número de xogos dispoñíbeis
Unha das causas solidarias con maior repercusión dos últimos tempos foi Bundle for Racial Justice and Equality. O paquete de máis de 700 xogos que presentou Itch.io co propósito de recadar fondos na loita contra o racismo en Estados Unidos. A marca inicial de 500.000 dólares xa foi amplamente superada, do mesmo xeito que o segundo obxectivo dun millón.
Nestes intres, contan con 5,421,437.54 de dólares achegados pola comunidade. Agora, con tres días por diante para finalizar a campaña, a compañía non se pon límites á hora de alcanzar unha nova meta.
Para iso, aumentáronse a cantidade de xogos iniciais. Diversos estudios e programadores sumáronse á iniciativa achegando máis de 1.600 videoxogos para apoiar a causa. Por suposto, non importa cando compraches o pack, recibirás automaticamente os novos títulos dispoñíbeis. A cantidade mínima a achegarmos é de cinco dólares, aínda que a cifra máxima sempre a marcas ti. Podes adquirir todos estes títulos a través desta ligazón.
We've done it! 5 MILLION raised for NAACP Legal Defense and Educational Fund and Community Bail Fund, split 50/50. It's thanks to each and every one of you! Can we hit 6 Million? 10? Anything is possible! (sorry, forgot the link!) https://t.co/JCCnqMWHX9
— itch.io (@itchio) June 11, 2020